Padyshim që Faik Konica e lyen dhe e ngjyen me shumë mjeshtri sharjen dhe denigrimin që u bën shqiptarëve, me idenë se ai është i mërzitur me shqiptarët e këqinj, që tregojnë trimëri vend e pavend, dhe se gjithçka e bën për të mirën e shqiptarëve; pra i ther dhe i vdes shqiptarët për mirë dhe për të mirën e tyre – fjalë klasike të një okupimi klasik.

Mbretëria e Bashkuar, Anglia, apo Britania e Madhe, një perandori mashtruese që në emër, pasi të duhet të përpiqesh që të kuptosh se si quhet, është një perandori që i ka shpallur luftë popullit shqiptar që përpara vitit të largët 1912 dhe kjo luftë vazhdon sot e kësaj dite më e ashpër, më e padrejtë dhe më vrastare se kurrë. Gjithsesi në këtë koment të shkurtër për Madhërinë e Teneqtë të Anglisë, nuk dua të fokusohem apo të zgjerohem në historinë a luftës dhe të marrëdhënjeve tona, por dua të shkruaj pak gjëra rreth rolit të Anglisë ndaj Shqipërisë dhe emigrantëve shqiptarë që vuajnë dhe shtypen në Angli.

Mbretëria e Bashkuar, edhe pse anekënd botës promovon dhe lartëson demokracinë, nga ana tjetër vetë është një monarki absolute, e gjallë dhe e tanishme. Britania e Madhe nuk është demokraci, por një monarki klasike dhe tepër e padrejtë, prandaj është jologjike të presësh drejtësi dhe ligj tek një monarki e tillë.

Sot në Britani jetojnë dhe punojnë rreth 200 mijë shqiptarë nga Ballkani, dhe shumica prej tyre janë pa lejeqëndrim të rregullt. Britania, as në teori nuk e parashikon legalizimin e emigrantëve shqiptarë, prandaj kjo e bën Britaninë një shtypëse, vend persekutimi dhe një vend ekzili për shqiptarët atje. Sigurisht që shqiptarët, në kushtet e një pushtimi klasik që është Shqipëria dhe Kosova sot, dhe në kushtet e një varfërie ekstreme, janë të detyruar t’i drejtohen Britanisë si emigrantë të paligjshëm, pasi ky është përcaktimi dhe kontrata e vetme që perëndimi u ka ofruar shqiptarëve dhe se ata nuk kanë zgjedhje tjetër.

Personalisht i ftoj shqiptarët që jetojnë e punojnë në Britani të Madhe, që të organizohen, të luftojnë dhe të ngrihen për të drejtat e tyre. Dhuna, shtypja dhe persekutimi 100-vjeçar që i bëhet popullsisë shqiptare në Ballkan, nuk është arsye dhe justifikim që shqiptarët të ndjehen inferiorë dhe të ulin kokën kudo që ata ndodhen. Mos të harrojmë historinë tonë, shqiptarët vijnë nga një histori e lavdishme, drejtues dhe gjeneralë të Perandorisë Otomane. Shqiptarët kanë shërbyer si frymëzim dhe si shembull dhe për gjeneralin e famshëm Hanibal Barca, në luftërat kundër vetë Romës. Kuksianët në Angli mos të harrojnë që nga fshati burrëror dhe trim, Topojan, është me origjinë dhe kryeministri i Perandorisë Otomane për pesë herë radhazi, Sinani i Madh. Çdo Shqiptar nuk duhet të nxjerri asnjëherë nga mendja që Shqiptarët i dhanë gjithsej Perandorisë Otomane rreth 45 kryeministra, gjeneralë, guvernatorë dhe mendimtarë të panumërt. Shkodranët që jetojnë në Angli, duhet të dinë që dijetari i madh i quajtur Albani, është nga Shkodra, i cili është një yll polar për gjithë botën Islame. Shqiptarët kanë bërë histori për shkak të mençurisë së tyre, trimërisë së tyre dhe besës së tyre, pavarësisht që sot jemi nën thundrën e të huajve, në Ballkan dhe në emigrim. Luftohemi, jo se jemi të dobët, luftohemi, shtypemi dhe mbahemi nën dhunë pasi jemi të fortë, të mençur dhe të besës. Prandaj ngrihuni dhe mbroni të drejtat tuaja, mbroni gjakun dhe vendin tuaj. Të jetoni në skllavëri në UK, në BE apo në Amerikë nuk është zgjidhje, por një turp dhe një vdekje dhe çbërje e ngadaltë.

Shqiptarët të ngrihen dhe të bashkohen për të drejtat e tyre.

Nderim Lushi – Mynih

13 shkurt. 2022

The post Mbretëresha e teneqtë e Britanisë së Madhe appeared first on Nderim Lushi - shkrime.

Lënda: Notë Proteste në lidhje me publikimin në “top-channel.tv”, të emrave të të dënuarëve shqiptarë në Britaninë e Madhe

Të nderuar zotërinj

Britania e Madhe është një vend në të cilin banojnë dhe pjesërisht punojnë mijra shqiptarë ilegalë. Të gjithë i janë drejtuar Britanisë së Madhe duke paguar mesatarisht rreth 15 mijë euro për një kalim të paligjshëm, kjo referuar autoriteteve dhe mediave britanike dhe atyre shqiptare. Një pjesë e opinionit mediatik dhe qeveritar e quan këtë trafik të paligjshëm, si një veprimtari kriminale të drejtuar dhe të organizuar nga mafia. Ndërsa veprimtarë të shoqërisë civile shqiptare dhe asaj europiane, e shohin më tepër këtë veprimtari kriminale, si një aktivitet të mbështetur dhe të organizuar nga korporatat, elitat dhe qeveritë e vendeve të përfshira në këtë aktivitet fitimprurës dhe skllavërues të mijëra dhe miliona emigrantëve shqiptarë dhe nga mbarë bota.

Më datë 13 shtator 2020, media kombëtare shqiptare “top-channel.tv”, duke cituar një media britanike “Sunday Express” dhe duke iu referuar gazetarit britanik, Jon Austrin, ka publikuar një listë me rreth 88 emra të të dënuarëve shqiptarë në Britaninë e Madhe. Unë Nderim Lushi, si një veprimtar i shoqërisë civile shqiptare, si një nga kontribuesit e frymës intelektuale “Kontrata e Re” dhe në cilësinë e një veprimtari me kontakt të qindra emigrantëve shqiptarë të Britanisë së Madhe, dhe në cilësinë e administratorit të zërit të emigrantëve shqiptarë në “emigranti.info”, përcjell drejt Ambasadës Britanike në Tiranë një Notë Proteste në lidhje me publikimin e paligjshëm dhe të pamoralshëm të këtyre emrave.

Britania e Madhe është ndër të paktat vende në botë që nuk ofron asnjë hapësirë ligjore për të legalizuar qëndrimin e shqiptarëve ilegalë, duke bërë kështu që qindra mijëra shqiptarë, referuar ligjeve dhe standarteve britanike, të punojnë në kushte skllavëruese dhe të punojnë në punë, që definicioni juridik britanik i quan “skllevër”, pavarësisht që për këtë nuk flasin kurrë mediat dhe autoritetet britanike, dhe për rrjedhojë, as ato shqiptare.

Jam personalisht i shqetësuar, pasi publikime të tilla bëjnë që këta shqiptarë vulnerabël dhe në mëshirë të fatit në tokën e britanisë së madhe, do t’i vuajnë pasojat e këtyre dënimeve dhe pasojat e publikimeve mediatike të tilla, gjatë gjithë jetës së tyre. Për sa dihet juridikisht, janë një listë dënimesh që duhet të ngelen anonimë, janë një listë dënimesh, të dënueshëm deri në pesë vite heqje lirie, që duhet të fshihen nga sistemi dhe nuk duhet që të dënuar të tillë të persekutohen gjatë gjithë jetës për gabime të vogla që kanë bërë në jetë.

Besoj që publikime mediatike të listave të të dënuarëve shqiptarë, bëjnë një reklamë të keqe tek të rinjtë shqiptarë, jepen si model tek të rinjtë, vetëm nëse ky është plani dhe qëllimi i këtyre publikimeve.

Si shoqëri civile po ndiqet me shumë interes, me shumë shqetësim dhe me shumë vëmendje gjithçka ndodh me emigrantët në Britaninë e Madhe, që nga deklaratat e zyrtarëve britanikë, e deri tek sponsorizimet dhe mbështetjet mediatike që u bëhen disa grupeve muzikore, të cilat në fund rezultojnë një reklamë për keq, dhe një diskriminim i qytetarëve dhe i emigrantëve shqiptarë kudo në botë.

Besoj që Britania e Madhe është një kampione e të drejtave të njeriut, një nga vendet me demokracinë më të vjetër në botë, një vend shumë mik i shqiptarëve, një nga vendet e pakta në botë me liri politike, fetare dhe ekonomike të mëdha, prandaj jam besimplotë që autoritetet dhe përfaqësitë britanike do të bëjnë më të mirën për të ndihmuar shqiptarët, do të bëjnë më të mirën për të respektuar të drejtat dhe liritë e emgrantëve shqiptarë në Britaninë e Madhe.

Ju faleminderit

Nderim Lushi – Kukës

Shtator, 2020

The post Notë Proteste Ambasadës Britanike në Tiranë: Publikoi 88 Emra të të Dënuarëve Shqiptarë në Britaninë e Madhe appeared first on Nderim Lushi - shkrime.